युवा क्रांती फौंडेशनचा तिसरा वर्धापन दिन उत्साहात साजरा

टाकळी हाजी | (साहेबराव लोखंडे)

युवा क्रांती फौंडेशनच्या पोलिस मित्र, ग्राहक व पत्रकार संरक्षण व माहिती अधिकार संघटना महाराष्ट्र राज्य यांचा तिसरा वर्धापन दिन शिर्डी येथे मोठ्या उत्साहात आणि जल्लोषात साजरा करण्यात आला. या खास दिवशी विविध क्षेत्रात उल्लेखनीय कार्य करणाऱ्या पदाधिकाऱ्यांना “महाराष्ट्र भूषण” पुरस्काराने सन्मानित करून गौरवण्यात आले.

कार्यक्रमात संस्थेचे संस्थापक अध्यक्ष रवींद्र सूर्यवंशी व राष्ट्रीय युवती अध्यक्षा जयश्रीताई आहिरे यांच्या हस्ते पुरस्कार वितरण करण्यात आले. विविध जिल्ह्यांतील पदाधिकाऱ्यांना हा बहुमान लाभला.

सन्मानित मान्यवरांची नावे पुढीलप्रमाणे :
संदीप भाकरे (पश्चिम महाराष्ट्र संपर्क प्रमुख)
सुरेश आप्पा गायकवाड (राष्ट्रीय सह संघटक)
छायाताई नवले (पुणे जिल्हा संपर्कप्रमुख)
सौ. नंदा ताई कापरे (पुणे जिल्हा सदस्या)
माया ताई महाजन (शिरूर तालुका अध्यक्ष)
एकनाथ राळे (फाकटे ग्राम अध्यक्ष)
सतीश वाखरे ( शिरूर तालुका अध्यक्ष)
लहु भाकरे ( शिरूर तालुका उपाध्यक्ष)
विलास रोहिले ( शिरूर तालुका कार्याध्यक्ष)
कल्पना पुंडे (शिरूर शहर उपाध्यक्षा)

कार्यक्रमात उपस्थित सर्व मान्यवरांचे स्वागत व सत्कार करण्यात आले. यावेळी संस्थेच्या कार्यकर्त्यांचा उत्साह आणि संघटनेबाबतची निष्ठा प्रकर्षाने जाणवली. कार्यक्रमाचे संचालन सुयोग्य पद्धतीने पार पाडले गेले.

कार्यक्रमाचा उद्देश
संस्थेच्या माध्यमातून समाजहिताचे कार्य, माहिती अधिकार जनजागृती, पत्रकार, ग्राहक आणि पोलिस बांधवांचे संरक्षण व समन्वय साधणे हे उद्दिष्ट समोर ठेवून संघटना सातत्याने कार्यरत आहे. अशा कार्याला प्रोत्साहन देणे आणि कार्यकर्त्यांना सन्मानित करणे, हीच वर्धापन दिनामागची प्रमुख संकल्पना होती.
कार्यक्रमाच्या शेवटी संस्थापक अध्यक्ष रवींद्र सूर्यवंशी व युवती अध्यक्षा जयश्रीताईंनी सर्व पदाधिकाऱ्यांचे अभिनंदन करून आगामी वाटचालीसाठी शुभेच्छा दिल्या.