प्रवीण गायकवाड
टाकळी हाजी : ( दिनांक २४)
यशवंतराव चव्हाण कला क्रीडा महोत्सव अंतर्गत तालुकास्तरीय स्पर्धेत लोकनृत्य( लहान गट) जिल्हा परिषद शाळा घोलप वाडी या शाळेने प्रथम क्रमांक मिळवला असून या स्पर्धा मंगलमूर्ती विद्याधाम प्रशाला रांजणगाव गणपती ता. शिरूर या ठिकाणी संपन्न झाल्या. विद्यार्थ्यांनी ‘चला ग मंगळा गौर’ या गाण्यावर विविध प्रकारचे नृत्य आविष्कार करत उपस्थितांची मने जिंकली .
तालुक्यातून प्रथम क्रमांक मिळविल्यामुळे पुणे या ठिकाणी होणाऱ्या जिल्हास्तरीय स्पर्धेसाठी घोलपवाडी शाळेची निवड झाली आहे.
विजयी संघास आमदार अशोकबापू पवार, रांजणगाव गणपती चे सरपंच सर्जेराव खेडकर, गटशिक्षण अधिकारी अनिल बाबर ,विस्तार अधिकारी लक्ष्मण काळे , केंद्रप्रमुख सुनील जोशी, दिपक सरोदे , यांच्या शुभहस्ते गौरविण्यात आले.
या विद्यार्थ्यांना शिक्षिका वैशाली खैरे , सोनाली गजभारे यांनी मार्गदर्शन केले.विद्यार्थी व शिक्षक यांचे शाळा व्यवस्थापन समिती अध्यक्ष कुमार भोकनळ,सरपंच चंद्रभागा खर्डे,उपसरपंच सोपान पुंडे, ग्रा.सदस्य विजय घोलप यांनी अभिनंदन केले.
