l सत्यशोध :
टाकळी हाजी : प्रतिनिधी
टाकळी हाजी (तालुका शिरूर) येथे ऊस वाहतूक करण्यासाठी रस्त्यांची दुरुस्ती करणेसाठी ग्रामपंचायत मार्फत सरपंच अरूणा घोडे , उपसरपंच गोविंद गावडे यांच्याकडून भीमाशंकर सहकारी साखर कारखाना पारगाव यांस निवेदन देण्यात आले होते. याची दखल घेत माजी गृहमंत्री दिलीपराव वळसे पाटील यांच्या मार्गदर्शनाखाली कारखान्याचे अध्यक्ष बाळासाहेब बेंडे पाटील , उपाध्यक्ष प्रदिपदादा वळसे पाटील यांनी या भागातील रस्त्यांच्या दुरुस्तीसाठी कामास सुरुवात केली आहे.
या कामाची सुरुवात गुरुवार( दिनांक१७) पासून करण्यात आली असून पाचव्या दिवशी सोमवारी घोडेवस्ती येथील काम सुरू करण्यात आले. या भागातील रस्ते दुरुस्त होणार असल्याने स्थानिक नागरिकांमधून समाधान व्यक्त होत आहे.
टाकळी हाजी चे माजी आदर्श सरपंच दामुशेठ घोडे , भीमाशंकर कारखान्याचे अधिकारी तसेच प्रगतशील शेतकरी शंकर थोरात,विलास घोडे,पंढरी घोडे, सावकार घोडे ,बाबाजी घोडे, रोहिदास घोडे, विलास घोडे,राहुल घोडे, गणेश घोडे, वैभव घोडे ,कोंडीभाऊ घोडे, नबुभाई पठाण, जालिंदर शिंदे आदी ग्रामस्थ मोठ्या संख्येने उपस्थित होते.
